VOV4.Bahnar – Pơgê năr 1/6, Anih Joh ayŏ Tơplŏng kơdâu păng Tơmang pơhiơ̆ dêh char Gia Lai jang atŭm hăm dôm anih đei tơrĕk pơm Lêh  pơtơm 'năr Olympic đe hơ ioh păng hơvơn tôm kon pơlei pơhrăm glơi, tang găn glơ̆k tơ̆ đak 2022. Lêh pơtơm đei tơdrong akŏm đơ̆ng hloh 200 kang ƀô̆, bơngai jang, khul linh đoan viên hơdruh tơdăm păng đe hŏk tro truh akŏm.

Kiơ̆ Anih Joh ayŏ Tơplŏng kơdâu păng Tơmang pơhiơ̆ dêh char Gia Lai, glơ̆k tơ̆ đak tŏk bŏk jing tơdrong tơm pơm ăn đe hơ ioh lôch răm tơ̆ dêh char. Đơ̆ng blŭng xơnăm 2021 truh dang ei, jâ̆p dêh char đei 39 'măng glơ̆k, pơm 42 'nu hŏk tro lôch, pơm jĭ bơnôh hăm lơ unh hnam. Ăh jơ lêh, đe hŏk tro đei tơroi pơtho găh tơdrong hlôh vao dŏng ƀơ̆t glơ̆k tơ̆ đak; dôm tơdrong pơkăp dŏng ƀơ̆t đei ƀôh xar bar glơ̆k tơ̆ đak...

Lan chih păng pơre nơ̆r