Dôm tơdrong jang găh lơ bơ̆jang lơ̆m tơdrong jang kơmăy kơmŏk pơm tơlĕch, kơmăy kơmŏk tơgŭm, pơm tơlĕch tơmam sa, tơmam hiĕm kon tơrong, vei rong kon tơrong. Lơ̆m akŏm kơsô̆ 25 teh đak đei tơdrong jang tơmơ̆t jên jang kơtă đơ̆ng teh đak đe tơ̆ Gia Lai, Trung Quốc dang ei dơ̆ng mă 5 găh akŏm jên tơmơ̆t jang. ‘Nâu đei lăng jĭ 1 lơ̆m dôm jên apŭng plĕnh teh tơgop klăih song jên jang ăn hơtŏk tơiung kơmăy kơmŏk, pơm tơlĕch păng hơtŏk ‘lơ̆ng kơjă kăp gĭt tơmam kơ Gia Lai.

Tơdrong sơng iŏk jên đơ̆ng Trung Quốc ưh khan lăp tơmơ̆t dơ̆ng jên jang ăn tơmơ̆t jên jang hơtŏk tơiung mă oei pơih ăn tơdrong hiôk gơh sơng iŏk kơmăy kơmŏk, pơih să tơdrong jang pơm tơlĕch păng vang jang jrŭ hloh lơ̆m trong tĕch mơdro. ‘Nâu kŭm jing tơdrong hiôk vă Gia Lai hơnơ̆ng tơlĕch jang sơng đei dôm tơdrong jang FDI đei kơmăy kơmŏk ‘nao, kơjă tŏk lơ, ‘lơ̆ng hăm cham char păng kĕ pơm tơdrong ‘lơ̆ng ăn rim anih jang mŭk drăm pran kơ tơring.