Dôm tơdrong tơchơ̆t atŭm đei: Tơchơ̆t pơm pơ ‘lơ̆ng hlŏh  dơ̆ng tơdrong pơvei jang hơdoi gĭt kăl, tôm tơdrong Việt Nam – Australia; Tơchơ̆t hơtŏk kơsư̆k tơjră, jang kiơ̆ păng tưk tơiung ming mŭk drăm Việt Nam – Australia; Tơchơ̆t hơtŏk tơdrong jang hơdoi găh khoa hŏk, kơmăy kơmŏk păng tơplih 'nao rơgei đơ̆ng Việt Nam păng Australia. Dôm hla ar jang hơdoi ƀơm truh rim tơdrong, đei dôm hla ar chih tơƀlŏk găh jang hơdoi lơ̆m tơdrong choh jang xa păng atŏk tơiung tơring tơrang kơjăp 'lơ̆ng, pơm kiơ̆ khôi luơ̆t tơ̆ đak dơsĭ, jang hơdoi păng tơgŭm băl găh tơring sơlam, jang hơdoi găh pơtho tơdrong jang, jang pơgang, jang mŭk drăm kơsô̆ păng jang hơdoi găh chơ chuĕn kiơ̆ trong gre păr.

 'Măng năm ngôi tơ̆ teh đak Australia đơ̆ng Tổng Bí thư, Kơdră teh đak Tô Lâm păng Khul tang măt ăn Việt Nam hơnơ̆ng hơmet kơjăp păng pơm hơtŏk đon lui băl găh chinh trĭ đơ̆ng đe ƀok kơdră chĕp kơ̆l, pơjing jơhngâm pran 'nao ăn tơdrong jang hơdoi gĭt kăl, tôm tơdrong, atŭm hăm 'nŏh tơlĕch tơdrong pơ 'nhŏ hơdrol ăn dôm tơdrong jang hơdoi tơ̆ hơnăp kơnh; pơjing tơdrong 'lơ̆ng vă kơdră chĕp kơ̆l 2 teh đak pơma nuh hơlen dôm tơdrong tơ̆ tơring păng lơ̆m apŭng plenh teh mă 2 păh tơrek truh, hơtŏk trong jang hơdoi kiơ̆ trong jang lơ pang, đơ̆ng noh tơƀôh hơdăh nơ̆r pơkăp atŭm hăm tơdrong rơngei, hiôk hian, sơđơ̆ng ‘lơ̆ng, jang hơdoi păng jang tŏk pran kơjăp tơ̆ tơring păng lơ̆m apŭng pklenh teh.