Hăm hơdrin pơjing ming dơ̆ng vei sơđơ̆ng anih kơdrơ̆m, đơ̆ng ‘năr 1/2/2026 truh dang ei, khŭl lĭnh kanh sat vei lăng sơđơ̆ng Kŏng an dêh char Gia Lai hlôi hơvơn hloh 13.500 ‘nu kang ƀô̆, khŭl lĭnh pơgơ̆r năm dăr joang, vei lăng. Kiơ̆ đơ̆ng noh chă ƀôh, phak hloh 100 ‘nu pơm glăi, tơklăh 5 hơnih kơchơ chă pơm kơdih.

Kiơ̆ kơ Trung tá Nguyễn Ngọc Sơn, Phŏ Khŭl kanh sat vei lăng sơđơ̆ng, Hơnih Kanh sat vei lăng hành chính găh sơđơ̆ng tơpôl, Kŏng an dêh char Gia Lai, hơdai hăm phak pơm glăi, tơdrong jang roi tơbăt kŭm đei tŭn pran hăm vă jê̆ 1.000 ‘măng roi tơbăt kơtă tơ̆ dôm hơnih tơpôl; hloh 10.400 ŭnh hnam tĕch mơdro hlôi kĭ pơkăp vang vei sơđơ̆ng tơpôl, sơđơ̆ng anih kơdrơ̆m. Trung tá Nguyễn Ngọc Sơn tơbăt, khŭl lĭnh gô hơnơ̆ng hơtŏk loi dơ̆ng vei lăng, sek phak, vei sơđơ̆ng Sơnăm tơmang lăng kơ Teh đak pơgơ̆r sơđơ̆ng hiôk.