Gia Lai kĭ tơchơ̆t ƀar tơdrong jang tơmang pơhiơ̆ cham char tih să tơ̆ Kon Ka Kinh păng Kon Chư Răng
Thứ sáu, 08:31, 10/07/2026
Lan chih tơblơ̆
Lan chih tơblơ̆
VOV.Bahnar - Hơnih vei lăng kon pơlei dêh char Gia Lai ‘nao kĭ tơchơ̆t Tơdrong vă jang tơmang pơhiơ̆ cham char, pơdơ̆h pơdei, pơchơt pơhiơ̆ tơ̆ Bro vei lăng năng tông cham char Kon Chư Răng păng Mir pơgar bri teh đak Kon Ka Kinh, pơih trong ăn atŏk tơ iung tơmang pơhiơ̆ tơklep hăm vei lăng năng tông bri păng ‘long bri brăh.
Tơ̆ Kon Chư Răng gô pơjing 5 hơnih, 8 hơyuh tơmang pơhiơ̆ hơtăih truh 190 km; trong tơlĕch jang truh sơnăm 2045 sơng đei dang 150.000 ‘nu tơmoi, iŏk đei hloh 225 ti hlak jên lơ̆m mĭnh sơnăm. Lơ̆m mă noh, Kon Ka Kinh pơprŏ jang 5 hơnih, 12 hơyuh tơmang pơhiơ̆ hơtăih 201 km, iŏk jang cham char bri brăh păng tơdrong oei sa joh ayŏ bơngai Bahnar,lăng truh jang sa iŏk đei dang 78 ti hlak jên lơ̆m mĭnh sơnăm ƀơ̆t sơnăm 2045.
Gia Lai athei rim tơdrong jang tơmơ̆t jên jang kăl pơm kiơ̆ kơjăp tơdrong tơchơ̆t kơ Khôi luơ̆t Bri ‘long, ưh kơ gơh pơrăm cham char bri brăh, ăn jang tơ iung pơjing hơnih ming man trŏ lăp ‘lơ̆ng hơ iă hăm cham char păng sơđơ̆ng vei lăng năng tông cham char bri brăh.
Viết bình luận