VOV4.Bahnar - Khei ‘năr tơ jê̆ âu kơ jă đak xăng, đak dâu hlôi hơ met ming tơ jur 3 ‘măng tơ til, mă lei, kơ jă lơ tơ mam yua kăl tơ̆ Gia Lai oei tŏk bŏk măk păng tam mă đei ƀôh tơ jur ‘mơ̆i. Siêu thị Coopmark Pleiku tơ băt, tơ̆ hơ năp đei ƀôh tơ plih ‘nao đơ̆ng kơ jă đak xăng đak dâu, siêu thị hlôi jang hơ dai hăm rim anih pơ truh tơ mam vă đei trong tơ lĕch jang tơ jur kơ jă tơ̆ hơ năp kơnh ăn kơ dôm grŭp tơ mam yua kăl.

Khŭl jang kơ pal dêh char Gia Lai hơ len lăng tơ drong ‘lơ̆ng đơ̆ng tơ mam vă tang găn tơ mam ya, tơ mam ưh kơ ‘lơ̆ng

Vă vei lăng tĕch mơ dro, tang găn dôm tơ drong pơm glăi khôi luơ̆t lơ̆m bơ̆ jang tĕch mơ dro, hơ dai hăm sơ đơ̆ng kơ jă tĕch tơ mam, Anih vei lăng găh tĕch mơ dro dêh char Gia Lai kŭm hăm anih jang kơ pal hơ tŏk loi dơ̆ng hơ len lăng, dăr lăng anih tĕch mơ dro. Mă loi ‘noh, anih jang lăng kăl hơ len lăng, vei lăng dôm tơ mam yua kăl vă vei sơ đơ̆ng đei yua ăn bơ ngai răt yua, tơ gop vei sơ đơ̆ng tĕch mơ dro tơ mam.

Thuem: Tơ blơ̆