VOV4.Bahnar - ‘Năr 28/6, Anih jang Đảng dêh char Gia Lai tơ lĕch tơ drong tơ chơ̆t găh pơ jing Anih pơ gơ̆r jang tang găn sa pơ gơ̆m pơ jĭp kơ dêh char. Kiơ̆ kơ ‘noh, Anih pơ gơ̆r jang đei 15’nu jang lơ̆m khŭl, lơ̆m noh, ƀok Hồ Văn Niên- Bí thư anih jang Đảng dêh char, Kơ dră Jơ nŭm pơ gơ̆r kon pơ lei dêh char Gia Lai pơm kơ dră anih jang; ƀok Rah Lan Chung- Phŏ Bí thư anih jang Đảng dêh char, Kơ dră ban Nội chính anih jang Đảng dêh char pơm phŏ Kơ dră chĕp kơ̆l pơ gơ̆r. Anih pơ gơ̆r jang tang găn sa pơ gơ̆m pơ jĭp dêh char đei hơ năp jang tơ gŭm ăn khŭl kơ dră Anih jang Đảng dêh char chĕp kơ̆l păng pơ gơ̆r tơ lĕch jang kiơ̆ tơ drong jang tang găn sa pơ gơ̆m pơ jĭp tơ̆ dêh char, kiơ̆ tơ chơ̆t kơ sô̆ 67-QĐ/TW, ngày 2-6-2022 đơ̆ng Ban Bí thư găh tơ drong jang, hơ năp jang, tơ drong gơ̆h jang, pơ gơ̆r khŭl jang, tơ drong bơ̆ jang, tơ drong pơ vei tơ drong jang đơ̆ng anih pơ gơ̆r jang tang găn sa pơ gơ̆m pơ jĭp kơ dêh char, pơ lei tơm găh Trung ương.

Thuem: Tơ blơ̆