VOV4.Bahnar - Sơ năm 2022, akŏp kơ sô̆ jên tơ mơ̆t jên jang teh đak tơ̆ dêh char Gia Lai ‘noh 3.350 ti hlak jên. Truh blŭng khei 5, dêh char hlôi tơ lĕch jên vă jê̆ 400 ti hlak jên. Anih vei lăng kon pơ lei dêh char Gia Lai hlôi pơ jing Grŭp bơ̆ jang pơ trŭt tơ lĕch jên tơ mơ̆t jên jang teh đak sơ năm 2022 yua đơ̆ng 1 Phŏ kơ dră Anih vei lăng kon pơ lei pơm Kơ dră grŭp păng kơ dră Anih tơ lĕch nơ̆r sơ kơ̆t păng tơ mơ̆t jên jang pơm phŏ kơ dră grŭp. Anih vei lăng kon pơ lei dêh char Gia Lai athei Anih tơ lĕch nơ̆r sơ kơ̆t păng tơ mơ̆t jên jang jang hơ dai hăm rim anih jang dăr hơ len rim anih jang, tơ ring hiơ̆ kơ tơ lĕch jang tơ drong jang, tơ lĕch jên hiơ̆ vă đei tơ drong tơ plih jên ăn mă lăp; athei kơ dră chĕp kơ̆l dôm apŭng, thị xăh, pơ lei tơm pơ gơ̆r tơ tom hơ met pơ ‘lơ̆ng mơ mat tat, tơ hlăk tơ hlĭn găh iŏk pơ dreo teh, hrŭ ‘mong, ăn oei tơ̆ plei hle, hơ met pơ ‘lơ̆ng tơ tom hla ar tơ kêng, pơm tơ drong drơ̆ng lăp đơ̆ng kon pơ lei lơ̆m tơ lĕch jang tơ drong jang. Dôm tơ ngla tơ mơ̆t jên jang rim giĕng đei tơ roi tơ băt trong bơ̆ jang, trong tơ lĕch jên đơ̆ng rim tơ ring, rim tơ drong jang.

Thuem: Tơ blơ̆