Jơnŭm Ƀăo Puih mak Quý Mão 2023 pơdă, tơƀô̆h 250 kơloăi hla bơar ƀăo puih mak Trung ương, 63 kơ loăi ƀăo puih mak rim dêh char pơlei tơm lơ̆m teh đak păng 20 kơloăi ƀăo kơ rim hơnih chih kơtơ̆ng ang đei bơngai jang chĭh kơtơ̆ng ang-hơnĭh tang măt tơ̆ dêh char Gia Lai.

Jơnŭm ƀăo puih mak hlôi tơƀôh ăn kon pơlei hlŏh 900 hla bơar tih iĕ, lơ ƀai chih ‘lơ̆ng hơ iă tơbăt ăn tơdrong jang mŭk drăm, jŏh ayŏ-tơpôl, sơđơ̆ng dơ̆ng kơjăp  kơ teh đak lơ̆m sơnăm au ki. ‘Moi kiơ̆ pơdă, rim bơngai đŏk ƀô̆h hơdăh hlŏh dơ̆ng dôm tơdrong hơdrin đơ̆ng pơđĭ Đảng, Ƀô̆ đô̆i păng kon pơlei bơ̆n yak hlŏh tơnap tap, tơdrong long tơ̆ hơnăp tơdrong lơ̆m apŭng plĕnh tĕh đei tơdrong ư̆h sơđơ̆ng. Mă kăl, ƀai chĭh găh tơdrong Kơdră chĕp pơgơ̆r Teh đak Hồ Chí Minh păng găh tơdrong mơ̆t hơdoi atŏk tơ iung kơ teh đak; Hơdrin yak hlŏh, Đảng pơjing đei tơdrong gĭt kăl; tang găn sa pơgơ̆m pơjĭp đơ̆ng tơm, hơmet pơ ‘lơ̆ng jơhngơ̆m đon kon pơlei lui yom...