VOV4.Bahnar - Pơ gê ‘năr  8/3, Khŭl chĕp kơ̆l Đảng bộ dêh char Gia Lai pơ gơ̆r Hop akŏm găh tơ drong jang kang ƀô̆. Kiơ̆ tơ drong tơ chơ̆t đơ̆ng Khŭl chĕp kơ̆l Anih jang Đảng dêh char Gia Lai găh iơh iŏk, pôk hơ tŏk kang ƀô̆, ƀok  Dương Minh Đức- bơ ngai jang lơ̆m anih jang Đảng dêh char, Phŏ vei lăng Anih dăr hơ len kơ Anih jang Đảng dêh char đei rơ̆ih iŏk, pôk pơm Chánh Văn phòng anih jang Đảng dêh char. Khei ‘năr vei kơ chư̆k ‘noh 5 sơ năm jô̆ đơ̆ng ‘năr 1-3-2022. Pơ jao tơ drong tơ chơ̆t, Bí thư Anih jang Đảng dêh char Hồ Văn Niên lui ngeh, kiơ̆ lơ̆m kơ chư̆k jang ‘nao, ƀok Dương Minh Đức gô hơ nơ̆ng hơ tŏk hơ năp jang vă kŭm hăm đĭ đăng kơ dră chĕp kơ̆l kang ƀô̆, bơ ngai jang kơ Anih bơ̆ jang kơ anih jang Đảng dêh char 1 jơ hngơ̆m đon, drơ̆ng 1 nơ̆r, jang ‘lơ̆ng tơ drong jang tơ gŭm Khŭl chĕp kơ̆l Anih jang Đảng dêh char, Khŭl kơ dră pơ gơ̆r Anih jang Đảng dêh char lơ̆m tơ drong jang chĕp kơ̆l, pơ gơ̆r, tơ lĕch jang kiơ̆ dôm hơ năp jang chĭnh trĭ kơ tơ ring. Kŭm lơ̆m tơ drong jang kơ hop akŏm pơ gê ‘năr 8-3, Khŭl chĕp kơ̆l Đảng bộ dêh char Gia Lai hlôi tăh kơ phiê̆u pơ drơ̆ng kiơ̆ dôm hla ar rơ̆ih iŏk bơ ngai tơ mơ̆t thim lơ̆m Anih jang vei lăng kơ Anih jang Đảng dêh char jăl jang 2020-2025 păng hơ met ming Khŭl chĕp kơ̆l Đảng bộ dêh char jăl jang 2020-2025.

Thuem: Tơ blơ̆