Gia Lai pôk hơtŏk dơ̆ng 2 ‘nu Phŏ Kơdră vei lăng kon pơlei dêh char
Thứ tư, 08:03, 04/01/2023
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Pơgê 3/1, lơ̆m hop akŏm mă 11, Jơnŭm pơgơ̆r kon pơlei dêh char Gia Lai jăl XII pôk dơ̆ng 2 ‘nu ƀok Nguyễn Hữu Quế păng Dương Mah Tiệp pơm Phŏ Kơdră vei lăng kon pơlei dêh char, jăl jang đơ̆ng 2021-2026.
Tơ̆ hop akŏm, ƀok Trương Hải Long – Kơdră vei lăng kon pơlei dêh char Gia Lai pơre hla ar chih đơ̆ng Dơ nŏ anih vei lăng kon pơlei dêh char găh tơdrong roi tơbăt bơngai jang vă Jơnŭm pơgơ̆r kon pơlei dêh char pôk hơtŏk 2 ‘nu Phŏ Kơdră vei lăng kon pơlei dêh char jăl XII.
‘Nŏh đei, ƀok Nguyễn Hữu Quế (Kơdră jang lơ̆m Anih chĕp kơ̆l đảng dêh char, Kơdră vei lăng Anih tơlĕch nơ̆r sơkơ̆t, tơmât jên jang) păng ƀok Dương Mah Tiệp (Kơdră jang lơ̆m Anih chĕp kơ̆l đảng dêh char, Bí thư đảng apŭng, Kơdră chĕp kơ̆l Jơnŭm pơgơ̆r kon pơlei apŭng Ia Grai). Jơnŭm pơgơ̆r kon pơlei dêh char Gia Lai pơgơ̆r tăh kơphĭu srĕp, mă hơtuch ƀok Nguyễn Hữu Quế đei pôk hăm 66/70 kơphĭu tơgŭm, ƀok Dương Mah Tiệp đei pôk hăm 67/70 kơphĭu tơgŭm.
Viết bình luận