VOV4.Bahnar - Dêh char Gia Lai đei hlŏh 12.000 ‘nu bơngai đei iŏk yua ăn kĕch mang tŏk bŏk đei sa jên tơgŭm djru.

Kơdră dêh char Gia Lai năm ngôi apĭnh jet gia hăm Yă mĕ Việt Nam nuih mơng ƀlep lơ̆m năr tơbăt 75 sơnăm Năr ƀô̆ đô̆i rơka-Lôch dŏng tĕh đak

Ƀlep lơ̆m năr tơbăt 75 sơnăm năr bơngai rơka-lôch dŏng tĕh đak (27/7), atŭm hăm tơmam drăm pôk ăn đơ̆ng Kơdră chĕp pơgơ̆r tĕh đak ‘nŏh 3 ti 600 trĭu hlak jên, Dơnŏ anĭh vei lăng kon pơlei dêh char Gia Lai hlôi tơlĕch kon jên jang hlŏh 1 ti hlak jên vă pơgơ̆r năm ngôi, pôk tơmam drăm ăn rim ŭnh hnam đei iŏk yau ăn tĕh đak păng dôm bơngai đei kŏng hăm kĕch mang. Lơ̆m au kang ƀô̆ kĕch mang so, Ƀô̆ đô̆i nuih mơng, ƀô̆ đô̆i rơka, jĭ jăn, bơngai đei iŏk yua ăn kĕch mang sơng iŏk tơmam drăm pôk ăn hăm kơ jă kơ jên 300.000 hlak jên. Rim Mĕ yă Việt Nam nuih mơng, ƀô̆ đô̆i rơka ư̆h kơ kĕ jang sa hlŏh 81%, ŭnh hnam bơngai lôch dŏng tĕh đak dang ei erĭh sa tơnap tap sơng iŏk tơmam drăm pôk ăn kơ jă kơ jên 600.000 hlak jên.

Tơblơ̆ nơ̆r: Amazưt