Kiơ̆ tơchơ̆t pơkă, tơring kơdrơ̆m Quy Nhơn să pơhlom 1.191 km², đei 19 hơnih jang hanh chĭnh, kơsô̆ măt bơngai dang ei đei pơhlom 884.000 'nu. Quy Nhơn đei sơkơ̆t hơdah jing hơnih tơm khua hŏk, tơplih 'nao tơchăr hơgei lơ̆m tơring păng lơ̆m apŭng plenh teh; hơtŏk jang mŭk drăm gơnơm lơ̆m đak dơsĭ, kŏng ngĭp kiơ̆ trong jang 'nao, logistics păng jang tĕch pơdro 'lơ̆ng hơgei.

Lơ̆m kơplah noh, tơring kơdrơ̆m Pleiku să pơhlom 1.263 km², đei 13 hơnih jang hanh chĭnh, kơsô̆ măt bơngai pơhlom 559.000 'nu.  Pleiku đei sơkơ̆t jing hơnih tơm kơ tơring Tây Nguyên, hơtŏk kơtang gah tơring Pơmơ̆t, jing hơnih tơroh Tây Nguyên hăm tơring tơter đak dơsĭ păng dôm 'măng sơlam apŭng plenh teh. Pleiku gô hơtŏk kiơ̆ lơ tơdrong, lơ hơnih jang, akŏm lơ̆m choh jang xa kiơ̆ trong 'nao, kŏng ngĭp pơm tơlĕch tơmam drăm, logistics, tĕch pơdro, păng jang tơmang pơhiơ̆ pơlei pơla, joh ayŏ. Pơđĭ 2 tơring kơdrơ̆m đei pơkăp jang jơnei dôm tơchơ̆t tơring kơdrơ̆m kơluăi 2 ah sơnăm 2050.