Kiơ̆ hla ar chih tơroi tơ̆ hop akŏm, akŏm đĭ đăng tơmam jang đei 6 khei blŭng sơnăm tơ̆ Gia Lai pơhlom tŏk 8,21% pơting hăm khei âu sơnăm 2025; thu mong jên ăn teh đak đei hlŏh 16.566 ti, tŏk hlŏh 22%. Anih tơmât jên jang xa, tĕch mơdro hơnơ̆ng đei hơmet pơ ‘lơ̆ng, hăm 165 tơdrong jang đei jên tơmât jang ‘nao, lơ hlŏh 2 ‘măng pơting hăm khei âu sơnăm sơ̆; hloh 2.000 anih tĕch mơdro đei pơjing hăm kơsô̆ jên đei kĭ pơkăp vă jang xa vă truh 30.000 ti.

Chă tơmang lăng kŭm ƀôh tŏk pran ‘lơ̆ng mưh sơng đei dang 8,7 triu ‘nu tơmoi, iŏk yoa dang 19.000 ti hlak jên. Tơ̆ hop akŏm, ƀok Thái Đại Ngọc, Bí thư Đảng dêh char Gia Lai athei dôm bơngai tang măt tơblang hơdăh rim tơdrong jang đei lơ̆m 6 khei blŭng sơnăm, pơm hơdăh dôm tơdrong tam mă pran ‘lơ̆ng păng chih hơdăh trong jang tơm vă jang đei đon pơhnŏng jang tŏk mŭk drăm sơnăm 2026 truh 10,2%.