VOV4.Bahnar - Kơ sơ̆ 30/8, Công an dêh char Gia Lai pơm lêh roi tơ băt tơ drong Tơ chơ̆t đơ̆ng Anih tơm vei lăng Công an găh tơ drong pôk Trung tá Ksor H'Bơ Khắp pơm kơ chư̆k Phŏ kơ dră Công an dêh char Gia Lai. Yă H'Bơ Khắp kŭm jing drŏ kăn bơ ngai Jrai mă blŭng pơm Phŏ kơ dră công an Gia Lai. Tơ̆ jơ pơm lêh, Thiếu tướng Rah Lan Lâm- Kơ dră Công an dêh char Gia Lai ăn tơ băt, Trung tá Ksor H'Bơ Khắp rơ nĕh sơ năm 1982, plei tơ̆ xăh Ia Trok, apŭng Ia Pa, dêh char Gia Lai, hŏk đang thak si găh tơ drong Dăr hơ len tơ drong yoch.

Trung tá H'Bơ Khắp iŏk tơ drong tơ chơ̆t tŏk kơ chư̆k đơ̆ng Anih tơm vei lăng Công an

Trung tá Ksor H'Bơ Khắp hlôi yak hlŏh 16 sơ năm iŏk jang lơ kơ chư̆k tơ̆ thĭ xăh Ayun Pa nhen: Phŏ Đội trưởng, Phŏ kơ dră Công an, Kơ dră chĕp kơ̆l Công an; jĭ bơ ngai chĕp kơ̆l pơ gơ̆r rơ gei, jang gơ̆h, băt trong iŏk yoa tơ drong hlôh vao mưh chĕp kơ̆l pơ gơ̆r. Trung tá Ksor H'Bơ Khăp jĭ drŏ kăn pơm Phŏ Kơ dră mă blŭng kơ Công an dêh char Gia Lai. Iŏk tơ drong jang, yă ăn tơ băt, vă hơ nơ̆ng tưk tơ iung jơ hngâm đon ‘lơ̆ng đơ̆ng công an kon pơ lei, hơ nơ̆ng hŏk pơ hrăm vă gơ̆h jang ‘lơ̆ng tơ drong jang đei pơ jao.

Dơ̆ng: Tơ blơ̆