VOV4.Bahnar - Gơ măng 26/7, tơ̆ pơ sat linh dêh char, Dơ nŏ anih vei lăng kon pơ lei dêh char Gia Lai pơ gơ̆r sŏh plang nhang păng tơ̆k unh jrĕnh bơ nê kơ đe linh lôch tang ăn tĕh đak.

Đe linh so vang sŏh hlôt nhang ăn bôl boăl

Hăm jơ hngâm đon kŭp yom, dôm bơ ngai tang măt kŭm hăm lơ đoàn viên druh dăm dêh char Gia Lai vang kŭp kơ̆l ƀlŏk hơ dơ̆r, ming kơ vang pơ kao, sŏh nhang bơ nê kŏng tih tên đơ̆ng đe linh lôch tang tĕh đak, chu hŭt hơ kâu yoa tơ drong rơ ngei, hiôk hian kơ tĕh đak, yoa tơ drong pơ jing păng vei lăng tĕh đak. 

Đơ̆ng rŏng kơ pơm lêh, đe ƀok kơ dră chĕp kơ̆l dêh char, anih jang, khul grŭp tơ pôl, khul linh, đoàn viên, druh dăm, đĭ đăng kon pơ lei truh sŏh hlôt nhang, tơ̆k unh jrĕnh păng plang pơ kao tơ̆ rim pơ sat linh lôch tang tĕh đak.

Dơ̆ng: Tơ blơ̆