VOV4.Bahnar - Đơ̆ng rŏng hlŏh 3 khei tơ lĕch jang, Anih krao hơ vơn ăn tơ drong jang “Trong hơ yuh păng kơ măy tinh ăn ŏh” kơ dêh char Gia Lai hlôi iŏk đei lơ tơ drong tơ gop tơ gŭm ăn hŏk tro ưh kơ đei kơ măy tinh vă hŏk trư̆k tuyê̆n hăm kơ jă hlŏh 1,3 ti hlak jên.

Tơ drong jang “Trong hơ yuh păng kơ măy tinh ăn ŏh” kơ dêh char Gia Lai

Anih vei lăng pơ tho pơ hrăm dêh char Gia Lai tơ roi: Kiơ̆ đơ̆ng hơ len năng, hrei ‘nâu dêh char Gia Lai oei đei hlŏh 37 rơ bâu ‘nu hŏk tro mơ mat tat, tam đei kơ măy tinh păng internet vă hŏk pơ hrăm. Tơ̆ hơ năp tơ drong ‘nâu, anih vei lăng pơ tho pơ hrăm tơ̆ tơ ring iŏk đei tơ drong tơ gŭm đơ̆ng Anih tơm vei lăng pơ tho pơ hrăm hơ nơ̆ng tơ lĕch tơ drong jang “Trong hơ yuh păng kơ măy tinh ăn ŏh” tơ̆ Gia Lai hăm kơ sô̆ jên mong đei truh 35 ti.

Dơ̆ng: Tơ blơ̆