Lơ̆m noh, dôm tơmam đơ̆ng choh jang sa đei vă jê̆ 74%. Hơdrô̆ tơmam cheh phe đei kơ jă tih hloh hăm 435 triệu USD. Kiơ̆ kơ yă Đào Thị Thu Nguyệt- Phŏ Kơdră chĕp kơ̆l Anih vei lăng găh kơmăy kơmŏk mơ dro sa dêh char Gia Lai, sơnăm 2022, mŭk drăm apŭng plĕnh teh đei tơplih ưh kơ ‘lơ̆ng hăm dôm tơmam tĕch tơ̆ teh đak đe kơ dêh char, mă loi ‘noh jĭ tơdrong tơjur răt yua, hơtŏk kơ jă gre chơ păng pơdơh tơdrong tĕch mơdro, tĕch tơ tơlĕch truh tơ̆ anih tĕch mơdro Trung Quốc đei ưh kơ gan lơ.

Cheh phe hơnhăk ăn 435 triệu USD ăn dêh char Gia Lai đơ̆ng tơdrong jang tĕch tơlĕch tơ̆ teh đak đe

Mă lei, gơnang đơ̆ng hơbĕch hơƀal păng roi ‘năr roi jang ‘lơ̆ng, dôm anih jang tĕch mơ dro tơ̆ teh đak đe tơ̆ dêh char hlôi bơ̆ jang hrĕnh tơ tom hăm anih tĕch mơ dro, lơ tơ mam hlôi đei chơ đơ̆ng tĕch mơ dro kiơ̆ trong iĕ jing trong tơm... tơgop tih lơ̆m iŏk yua atŭm. Kiơ̆ tơdra hơdrol, pơtôch sơnăm ‘nâu, tĕch tơ lĕch tơ̆ teh đak kơ dêh char Gia Lai gô yak hloh 660 triệu USD.