Anih jang vei lăng kon pơlei dêh char Gia Lai pơgơ̆r hăm khul jang kơpal pơtoi hơvơn khul jang, tơmam drăm vă tơgŭm dŏng sar bar; asong hơdrol hloh noh vei sơđơ̆ng tơdrong hơrih kon pơlei. Anih jang kơpal tenh kuăng hơmet ming anih jang kăl nhen trong nơnăm, pơnơ̆ đak, unh hơyuh, viê̆n thŏng, hnam trưng hŏk, hnam pơgang; atŭm hăm noh akŏm anih oei pơgia sơđơ̆ng, vei sơđơ̆ng ăn tơdrong hơrih kon pơlei hiong hnam lơ̆m 'măng 'mi kial kơsô̆ 13 păng đak hơbông pơtoi kơ noh.

Khul linh vei sơlam teh păng kŏng an 'nhăk kon pơlei lĕch đơ̆ng tơring hli hlơt, chă tơgŭm dŏng, hơmet rơgoh cham char đơ̆ng rŏng kơ 'mi kial păng tang găn pơrang jĭ hơbuh. 2 'măng 'mi kial đak hơbông pơrăm ou ki tơ̆ Gia Lai hlôi đei 5 'nu bơngai lôch, 11 'nu rơka; hloh 100.000 tŏ hnam kon pơlei hư răm, lơ mŭk drăm, anih jang kăl ƀơm phă pơrăm... Hơkŏp tơdrong răm hloh 12 tih hlj.