Kiơ̆ Anih vei lăng bơngai jang, linh jĭ rơka păng tơpôl dêh char Gia Lai, tơdrong glơ̆k kơ đak roi tŏk ‘nŏh yoa đon hlôh vao đơ̆ng unh hnam, tơpôl găh tơdrong krê glơ̆k tơ̆ đak hăm đe hơiŏh tam mă jrŭ; hơiŏk ưh tam đei mĕ ƀă vei lăng ‘lơ̆ng; hơiŏh ưh gơ̆h glơi, ưh băt trong jur ngôi tơ̆ đak, ưh đei anih pơm ngôi đei yoa ăn hơiŏh, mă loi tơ̆ tơring hơtăih yăih, tơring tơrang.

Kiơ̆ ƀok Võ Như Minh Quang, Kơdră Lăm vei lăng năng tông hơiŏh păng hơtŏ băl kơplăh drŏ kăn hăm drŏ nglo – Anih vei lăng bơngai jang, linh jĭ rơka păng tơpôl dêh char Gia Lai, kŭm hăm hơtŏk tơdrong pơtho glơi ăn hơiŏh, rim unh hnam athei vei lăng ‘lơ̆ng tơdrong ngôi pơchơt đơ̆ng hơiŏh hai, mă loi lơ̆m pơyan pơdơ̆h he.