Kiơ̆ tơdrong hơlen lăng đơ̆ng dêh char Gia Lai, kơsô̆ tơmoi đơ̆ng teh đak đe truh Gia Lai ah sơnăm 2025 đei pơhlom 125.000 'nu, đei pơhlom 1% lơ̆m kơsô̆ hloh 12 triu 'nu tơmoi truh tơmang tơ̆ tơring. Tơdrong tơm minh pah noh tơdrong ưh kơ mah trong păr tơpăt tơroh kơtă.

Vă vei sơđơ̆ng jang đei jơnei, dêh char Gia Lai athei hơnih jang mŭk drăm gah tơmang pơhiơ̆ athei đei hơnih pơm jang tơ̆ tơring, pơkăp đei yua tŏ sĕt jat noh 50% lơ̆m 6 khei blŭng jăl jang pơih să tơring truh păng hơtŏk hloh 70% lơ̆m jăl jang đơ̆ng rŏng kơ noh. Kơchĕng, jên huach ăn tơdrong tơchơ̆t jang ou đơ̆ng dang ei truh đĭ sơnăm 2027 'noh jê̆ 95 tih hlj. Tơchơ̆t đei iŏk yua đơ̆ng năr 10/10/2026 truh đĭ năr 31/12/2027. 'Nou jĭ tơchơ̆t tơgŭm kơtang hloh vă hơvơn tơmoi đơ̆ng teh đak đe truh tơmang mă kĕ kla jên lơ păng dăng oei đunh năr tơ̆ Gia Lai.