Lơ̆m noh, Jơnŭm ‘long pơglang ƀrê rim tơring kơ dêh char Gia Lai hơdrin vei lăng, tơgŭm ăn kơ 25.000 ‘nu, hăm akŏp kơjă jên bơ̆jang 15 ti hlak jên. Tơdrong jang “Tết ‘mêm mơnat pơ yan Puih mak Quý Mão - 2023” gô đei tơlĕch jang đơ̆ng ‘năr 1/1/2023  truh ‘năr 16/1/2023 (đơ̆ng ‘năr 10 truh ‘năr 25 khei 12 sơnăm Nhâm Dần).

Tơdrong jang hơvơn rim jên, tơmam đơ̆ng tơpôl vă pơgơ̆r dôm tơdrong jang “ Asong tơmam - Chơt hơiă Tết” vă tơgŭm găh tơmam, jơhngơ̆m đon vă bơngai dơnuh hin, bơngai đei tơdrong arih sa mơmat tat đei chơt hơiă pơ yan Puih mak, sơng tết, tơgop pơjing tơpôl 1 ƀơ̆r đon, ƀĕnh jơhngơ̆m ‘mêm mơnat. Dôm tơdrong jang “ Tết ‘mêm mơnat” đei pơm vei sơđơ̆ng tơdrong joăt oei sa kơ kon pơlei. Tơdrong jang hơtŏk khŭl jang tơgŭm tơ̆ tơpôl vă rim kon pơlei tơƀôh hơnăp jang tơpôl đơ̆ng kơ dih hăm bơngai dơnuh hin, bơngai đei tơdrong arih sa mơmat tat.