VOV4.Bahnar -  Khei năr tơje# âu, dêh char Gia Lai hơnơ\ng đei lơ tơdrong lôch glơ\k j^ bơnôh, mă lơ noh hăm đe ho\k tro. Tơdrong mă âu pơkăl anih jang kơpal, tơpôl păng unh hnam kăl tơre\k hloh dơ\ng lơ\m tơdrong vei lăng păng pơtho đe hơ ioh mă hăt noh ăh khei pơdơh kơ ho\k.

          Lơ\m hnam ie\ tơ\ thôn 2,  xăh Trà Đa, pơlei tơm Pleiku, pơmai Nguyễn Thị Thanh Hương tơ oei xơ 'nhôi ăh mum hnam lăng um kon dro\nglo lôch kơyuơ glơ\k tơ\ đak tơ\ Tây Hồ, xăh Bàu Cạn, apu\ng Chư Prông ăh năr 14/6 âu ki. Pơmai Hương tơroi, tơdrong j^ bơnôh đei truh hăm unh hnam noh kơyuơ unh hnam tam mă đei jên ăn kon năm ho\k glơi păng dôm tơdrong kăl băt găh tang găn păng tơjră glơ\k tơ\ đak: “Yơ\ng âu ki unh hnam ăn kon vih apong yă, lơ\m noh đei oh kon yăng, tơbre duh hơnơ\ng pơxuh băl. Năr 14/6 âu ki năm kơdăh [ơlo\ng mă cham kơdăh [ơlo\ng ưh đei bơngai noh tơbre jur pơchơt tơ\ dơnâu đak, ưh kơ pu\n tơblơ\r jơ\ng huăng tơ\ anih đak jru\ truh 7 met noh tơbre ưh gơh to\k tơ\ kông. Unh hnam ưh ke\ đei păng duh ưh đei rơvơn, năm jang măng năr noh duh ưh đei jơ 'nhăk kon năm pơhrăm glơi, adro# chă pơxuh ngôi tăp dăh hnam đe\ch”

        Glơ\k tơ\ đak to\k bo\k jing tơdrong tơm pơm lôch răm hăm đe hơ ioh păng đe rơchong tơ\ dêh char Gia Lai, pơm ăn lơ unh hnam j^ bơnôh ưh hlôi. Kơyuơ noh, tơdrong hơto\k pơta#p pơhrăm glơi păng pơhlôh găh tang găn păng tơjră glơ\k tơ\ đak ăn đe hơ ioh păng kon pơlei jing tơdrong jang kăl hloh, kăl đei tơdrong vang jang kăp g^t đơ\ng dôm jăl jang, rim anih jang, unh hnam păng tôm bơngai lơ\m tơpôl.  

        Đơ\ng blu\ng khei 6/2022, Anih Joh ayo\ Tơplo\ng kơdâu păng Tơmang pơhiơ\ dêh char Gia Lai jang atu\m hăm dôm anih jang đei tơre\k pơgơ\r Lêh pơtơm 'năr Olympic đe hơ ioh păng tơle\ch hăm tôm kon pơlei pơhrăm glơi, tang găn glơ\k tơ\ đak.

Rim ho\k tro đei pơtho găh tơdrong hlôh vao hăm dôm tơdrong: do\ng hơmet [ơ\t đei glơ\k tơ\ đak; dôm tơdrong tơm ăh do\ng [ơm rơka hơbur; hơmet mưh [ơm khok tơmam drăm, pơnhu\l tơmam xa... Oh Bạch Thị Mai Uyên, ho\k lăm 8, hnam trưng THCS Nguyễn Du, pơlei tơm Pleiku tơroi: Dôm tơdrong jang khei pơdơh ho\k xơnăm âu adoi tơnăp. Lơ\m noh, glơi jing tơdrong mă inh kơ 'nôh kho\m mă pơhrăm gơh: “Inh đei thâi đe met ma pơhrăm ăn dôm tơdrong kăl găh tang găn păng tơjră glơ\k tơ\ đak, đơ\ng noh inh duh băt hơdăh, pơhlôh ăn kơdih po, [ơ\t mă [ôh dôm tơdrong âu truh hăm tơdrong erih noh inh băt vă chă hơmet tơgu\m bơngai nai duh nhen ăn kơdih po. Kiơ\ khei pơdơh ho\k âu inh gô rơih pơhrăm glơi vă pơta#p hơkâu jăn. Inh 'meh pơtruh hăm rim bơngai noh athei pơhrăm glơi vă hơto\k pơ 'lơ\ng jơhngơ\m jăn ăn kơdih po, atu\m hăm noh tang găn păng tơjră glơ\k tơ\ đak mưh đei tơdrong hăt hot”.

        {ok Trần Ngọc Nhung – Kơdră Anih Joh ayo\ Tơplo\ng kơdâu păng Tơmang pơhiơ\ dêh char Gia Lai ăn tơbăt, dêh char to\k bo\k pơkăp dru\t kơtang hăm tôm kon pơlei pơhrăm glơi, tang găn păng tơjră glơ\k tơ\ đak. Tơchơ\t truh xơnăm 2025, gô đei 50% hơ ioh đơ\ng 6 truh hơla 16 xơnăm băt vei xơđơ\ng mưh hu\m tơ\ đak: “Tơdrong mă tôm kon pơlei pơhrăm glơi, mă kăl noh đe hơ ioh jing minh tơdrong jang kăl hloh. Tơdrong glơ\k tơ\ đak hăm đe hơ ioh ie\ lơ\m khei năr âu ki lơ\m ja#p teh đak păng dêh char Gia Lai noh tôch hli. Tôm kon pơlei, rim anih jang ch^nh tr^ tơpôl, rim tơring athei hơto\k hlôh vao, xơnong jang kơ po hăm tơdrong pơhrăm glơi ăn đe hơ ioh păng tôm kon pơlei vă tang găn [iơ\ tơdrong glơ\k tơ\ đak đơ\ng kon pơlei adoi nhen hăm đe hơ ioh”

        Đơ\ng blu\ng xơnăm truh dang ei, ja#p dêh char Gia Lai hlôi đei 17 'măng glơ\k tơ\ đak pơm 23 'nu hơ ioh lôch răm. Mă kăl đơ\ng khei pơdơh ho\k truh dang ei hlôi đei 5 'măng glơ\k tơ\ đak pơm 7 'nu hơ ioh lôch. Lơ tơdrong lôch răm noh kơyuơ đe hơ ioh ưh kơ băt xơđơ\ng găh tang găn păng tơjră glơ\k tơ\ đak păng kơdih năm tơchă truh anih đak krong đak glung, anih đak jru\ vă pơxuh ngôi mă ưh đei bơngai 'lo\ vei lăng.

         Vă tang găn xar bar glơ\k tơ\ đak hăm hơ ioh gơh đei jơnei tơnăp kăl đei tơdrong atu\m jang đơ\ng tôm bơngai, rim unh hnam kăl tơre\k hloh lơ\m tơdrong vei lăng đe hơ ioh, mă hăt noh lơ\m khei pơdơh ho\k, vă tang găn [ơm xar bar j^ bơnôh truh, mă hăt noh glơ\k tơ\ đak. {ok Võ Như Minh Quang – Kơdră Anih Vei vêr, vei lăng đe hơ ioh păng Hơto\k hơnơ\ng dro\nglo drăkăn kơ Anih Axong jang Linh j^ rơka păng Tơpôl dêh char Gia Lai ăn tơbăt: “Băt hơdăh tơdrong pơtho pơhlôh ăn đe hơ ioh găh tơdrong erih duh oei đei lơ tơdrong tơjruh, tơdrong tơle\ch pơhrăm glơi lơ\m hnam trưng ho\k duh tam mă đei pơgơ\r hơnơ\ng păng pơm jang ưh đei tơnăp noh dang ei tơdrong glơ\k tơ\ đak adoi oei [ôh hơnơ\ng. Athei adrin pơm thoi yơ vă tơle\ch tơroi tơbăt hăm unh hnam, tôm bơngai hơto\k hlôh vao găh tang găn păng tơjră xar bar hơbur păng glơ\kt ơ\ đak ăn đe hơ ioh. Dôm dơnâu đak ruih 'long pơtăm, đak krong đak glung mă pơm lôch răm kơyuơ glơ\k noh athei 'măn jrăng tơbang hơdăh. Lơ\m tơdrong ke\ đei noh athei hơ 'nhăk đe hơ ioh năm truh dơnâu glơi vă đe hơ ioh pơchơt, ho\k hơlen răh tơdrong glơi vă vei vêr ăn kơdih po”.

        Hăm tơdrong kơ 'nôh đơ\ng dôm anih jang kơpal, hơto\k kơtang tơroi tơbăt, hơto\k pơtho răh găh tơdrong hlôh vao, gô tơgop kăp g^t lơ\m tơdrong tang găn păng tơjră glơ\k tơ\ đak ăn đe hơ ioh. Atu\m hăm noh, kăl đei tơdrong tơre\k vei lăng đơ\ng đe me\ [ă, vă tang găn đei tơdrong glơ\k tơ\ đak pơm j^ đon bơnôh.

Lan chih păng pơre nơ\r