VOV4.Bahnar - ‘Năr 22/8, kŭm hăm lơ dêh char pơ lei tơm lơ̆m teh đak, hŏk tro lăm 1 tơ̆ dêh char Gia Lai chhôk hơ iă truh tơ̆ hnam trưng hŏk. 2 giĕng mơ̆t hŏk hơ drol kơ năr pơ gơ̆r mơ̆t hŏk blŭng tơ gŭm đe oh hơ met ming tơ drong hlôh vao păng hơ met ăn dơ̆ng lơ tơ drong gơh băt vă lui ngeh yak mơ̆t lơ̆m sơ năm hŏk ‘nao. Sơ năm hŏk 2022-2023, lơ̆m dêh char Gia Lai đei 209 hnam trưng hŏk jăl 1, ‘noh đei 1.200 lăm 1, păng vă jê̆ 35.000 ‘nu hŏk tro.

Hŏk tro lăm 1, hnam trưng hŏk jăl 1 Nguyễn Trãi, xăh Ia Pếch, apŭng Ia Grai lơ̆m năr akŏm tơ̆ hnam trưng

Hơ drol ‘noh, Anih vei lăng găh tơ drong jang pơ tho pơ hrăm hlôi đei hla ar athei rim Anih vei lăng pơ tho pơ hrăm athei rim Anih vei lăng pơ tho pơ hrăm đei jăl 1 găh anih vei lăng hơ met ăn ‘lơ̆ng dôm tơ drong hiôk vă sơng hŏk tro lăm 1 truh tơ̆ hnam trưng hrôih hloh 2 giĕng pơ têng hăm năr pơ gơ̆r mơ̆t hŏk blŭng, tơ gŭm đe oh pơm joăt hăm tơ drong hŏk pơ hrăm đơ̆ng hnam trưng jăl 1 kŭm nhen tơ drong yua hla ar hŏk, hla ar chih, tơ mam yua hŏk pơ hrăm.

Thuem: Tơ blơ̆