Kial hơbŭt Kalmaegi ‘noh jĭ ‘mi kial hơbŭt jăng hloh tăk mơ̆t lơ̆m dêh char lơ̆m dôm jĭt sơnăm âu ki, pơm ăn hiong răm tôch kơ dêh. Gơnang đơ̆ng kơchăng tơ jră đơ̆ng hrôih, đơ̆ng hơtăih, dêh char hlôi yông tơklăh sơđơ̆ng hloh 300.000 ‘nu, dŏng đei hloh 200 ‘nu lĕch đơ̆ng tơring krê hơmơt, găn tôch ai hiong răm găh bơngai. Đơ̆ng rŏng kial hơbŭt, lơ̆m dêh char đei hloh 50.000 tŏ hnam đei hư răm, lơ̆m noh vă jê̆ 1.000 tŏ hnam pơchăh đĭ; 2 ‘nu lôch, 8 ‘nu rơka. Akŏm đĭ đăng hiong răm jô̆ pơhlom hloh 5.200 ti hlak jên.

Lơ anih jang kăl, mă loi ‘noh jĭ anih kơdrơ̆m Quy Nhơn - hơnih jang mŭk drăm, tơmang lăng kơ dêh char - đei phă pơrăm kơtang. Kơdră chĕp kơ̆l Anih vei lăng kon pơlei dêh char Gia Lai krao hơvơn pơđĭ khŭl jang chĭnh trĭ, anih mơdro sa păng kon pơlei hơtŏk jơhngơ̆m đon hơdrin kơdih, vang tơgŭm tơiung ming anih jang kăl, tơgŭm kon pơlei, ưh