VOV4.Bahnar – Kơsơ̆ năr 1/6, Kŏng ang dêh char Gia Lai pơgơ̆r hop akŏm xơkơ̆t 5 xơnăm tơdrong hơvơn “Pơjing đon 'lơ̆ng kơ kŏng ang kon pơlei, pơm jang kơyuơ đơ̆ng kon pơlei”. 

Đơ̆ng rŏng 5 xơnăm pơm kiơ̆ tơdrong hơvơn, rim anih jang, rim tơring, đoan hơdruh tơdăm, jơnŭm jang đe drăkăn Kŏng ang dêh char Gia Lai hlôi pơjing, pơm jang hloh 200 tơdrong. Lơ̆m noh, tơdrong jang “4 hadoi” đơ̆ng Anih vei xơđơ̆ng tơpôl tơring hlôi tơgop kơhret tơguăt tơguăl đơ̆ng khul kŏng ang hăm kon pơlei kon kông; pơtho pơ 'lơ̆ng lơ bơngai yoch glăi vih 'lơ̆ng jang xa xơđơ̆ng lơ̆m pơlei pơla. Lơ̆m 5 xơnăm kơ âu, hloh 1.000 khul jang, hloh 3.600 tơ 'ngla jang rơgei, đei dôm jăl jang pôk hơnăn pơkăp kơ Teh đak.

Lan chih păng pơre nơ̆r