‘Măng apĭnh jet pơgơ̆r đơ̆ng ‘năr 3 truh ‘năr 5-11. Dôm grŭt tơdrong đei Kuôk hô̆i rơih iŏk apĭnh jet ‘noh jĭ: Ming man, Nội vụ, Kơtơ̆ng ang păng tơ roi tơ băt, Dăr hơlen. Hơ tuch ‘măng apĭnh jet, Thủ tướng Phạm Minh Chính gô pơm rơ đăh dôm tơdrong ƀơm truh păng tơl nơ̆r apĭnh đơ̆ng bơngai tang măt Kuôi hô̆i. Dôm ‘măng apĭnh jet đei pơ dăh ti vi, pơih pơ re nơ̆r kơ tă vă bơngai tăh hla păng kon pơlei răp hơlen. 1 tơdrong gĭt kăl nai ‘noh jĭ Kuôk hô̆i pơma dơ nuh găh tơdrong jang kiơ̆ trong jang tơgŭm, khôi luơ̆t găh jang kiơ̆ ‘mơ ‘met, tơ jră brăh brư jăl jang 2016 - 2021 păng Luơ̆t teh ( hơ met ming).

Bơngai tang măt Trần Văn Lâm, Phŏ Kơdră Khŭl joăt jang Khŭl tang măt Kuôk hô̆i dêh char Bắc Giang, bơngai jang lơ̆m Anih vei lăng jên hu - jên jang kơ Kuôk hô̆i

Lơ̆m luơ̆t đei 16 chăl, 245 a păng, lơ̆m noh vei đêl 28 a păng, tơmơ̆t dơ̆ng 184 apăng; tơmơ̆t dơ̆ng ‘nao 41 apăng păng hŭt lê̆ 8 apăng. Kŭm lơ̆m giĕng bơ̆ jang, Kuôk hô̆i pơma dơ nuh găh Luơ̆t tang găn ôp jên (hơ met ming); Luơ̆t Hơp tak xăh ( hơ met ming); Luơ̆t kon pơlei tang găn rim tơdrong truh; Luơ̆t kơ jă ( hơ met ming); hla ar tơ chơ̆t tơ lĕch ăn tơ drong pơ kăp ‘măng hop akŏm Kuôk hô̆i ( hơ met ming)...