VOV4.Bahnar – Năr 20/4, Anih Joh ayo\, Tơplo\ng kơdâu păng Tơmang pơhiơ\ dêh char Lâm Đồng hlôi pơgơ\r hop ako\m hla bar tơroi tơbang Gie\ng kăp g^t Tơmang pơhiơ\ Lâm Đồng xơnăm 2022. 

          Gie\ng kăp g^t đei pơgơ\r tơ\ plei tơm Đà Lạt đơ\ng năr 21 truh đ^ năr 30/4, hăm dôm tơdrong tơm nhen: Cham char tơbang păng tơroi tơmang pơhiơ\, tơbang tơroi găh “tơmam xa 'lơ\ng Đà Lạt”, dôm tơmam choh jang xa kăp g^t, joh ayo\ dôm hơdrung kon kông lơ\m dêh char, tơdrong hơto\k jang tơmang pơhiơ\ “năr măih păng jơ măih” kơ dôm anih jang mu\k drăm 'nâu nai hia... 'Nâu jing tơdrong ako\m joh ayo\ - tơmang pơhiơ\, tơmam xa păng tơplo\ng kơdâu, vă tơroi tơbang, hơvơn tơmoi năm truh Đà Lạt - Lâm Đồng, duh nhen vei răk tơ[ăk mong um ai joh ayo\ dôm hơdrung kon kông, hơmet hơto\k dôm pơlei pơm jang juăt jue tơguăt hăm tơmang pơhiơ\. Kiơ\ đơ\ng noh, tơgop hơto\k tơdrong jang tơmang pơhiơ\ ăn dêh char Lâm Đồng, hăm tơchơ\t hơvơn đei hloh 5 tr^u tơmoi truh tơmang lơ\m xơnăm âu. 

Lan chih păng pơre nơ\r