VOV4.Bahnar -  Tơ băt 75 sơ năm Năr linh jĭ rơ ka, linh lôch tang tĕh đak, gơ măng kơnh (27/7) vă pơ gơ̆r pơih pơ dăh Tivi “Ƀai hơ ri kơ tang rơ ngei”. Tơ drong jŏh hơ ri yoa Ban Tuyên giáo Trung ương pơ gơ̆r, vang jang hăm Anih tơm vei lăng tơ drong jang xa, linh jĭ rơ ka păng tơ pôl, Anih Radio pơ dăh tivi Việt Nam păng Dơ nŏ anih vei lăng kon pơ lei dôm dêh char, plt đei: Hà Nội, plt Hồ Chí Minh, Quảng Nam, Bình Định, Hà Giang păng An Giang pơ gơ̆r.

Hăm tơ drong juăt “Nhă đak ƀlŏk kơ tu”, “Tơ gŭm ăn bơ ngai đei kŏng”, khei 7 rim sơ năm ‘nĭh jĭ jơ năr vă đĭ đăng hơ drĕch hơ drung tơ ƀôh đon ‘mêm bơ nê, ƀlŏk hơ dơ̆r đe linh chu lôch tang, hut sĕch kar ăn tơ drong rơ ngei lơ̆m rim chăl. Hăm 6 anih pơih pơ dăh tơ̆: Hà Nội, plt HCM, Quảng Nam, Bình Định, Hà Giang păng An Giang, "Ƀai hơ ri kơ tang rơ ngei" ‘nŏh jĭ tơ drong jŏh hơ ri gĭt kăl, tơ ƀôh chăl arih kơ tang nuih mơng đơ̆ng hơ drĕch hơ drung, dôm bơ ngai lôch tang, hơ pơi ‘mĕh đei tơ drong rơ ngei hiôk hian đơ̆ng bơ ngai Việt Nam lơ̆m prăt jơ hnơr arih kơ hơ drĕch hơ drung.  

Dơ̆ng: Tơ blơ̆