VOV4.Bahnar - Pơ gê 6/10 plt Hà Nội pơ gơ̆r tơ lĕch tơ drong jang pơm trong hơ la gơng tơ̆ trong ver 2.5 - Giải Phóng (quận Hoàng Mai). Tơ drong jang đei kơ jă jên vă jang truh 780 ti đơ̆ng jên mong kơ plt Hà Nội. Tơ drong jang pơm trong hơ la gơng tơ̆ trong ver 2,5 - Giải Phóng đei 4 tŏ trong ăn gre kơ dâu, kơ jung dang 460m, lơ̆m nŏh trôm hơ la gơng kơ jung 140m păng tơ̆ ‘ngoăih ‘nŏh 320m. Kơ̆l trong trôm hơ la gơng tơ ƀưh hăm trong ver 2,5 jăl Đầm Hồng-Trong gre 1A.

Trong hơ la gơng ƀât trong ver 2.5-Giải phóng đei jên pơm vă jê̆ 800 ti

pơ ma lơ̆m jơ pơm lêh ming man, ƀok Trần Sỹ Thanh, Kơ dră vei lăng kon pơ lei plt Hà Nội pơ ma hơ dăh, Tơ drong jang pơm trong trôm hơ la gơng trong ver 2,5 hăm trong Giải Phóng đei năng jĭ tơ drong jang gĭt kăl kơ plt đơ̆ng 2021-2025; tơ drong tơm ‘nŏh vă pơm tơ jur ƀiơ̆ tơ drong chil hrăt tơ̆ trong păng dar dĕh hơ met pơ ‘lơ̆ng trong gre tơ̆ anih tơm kiơ̆ tơ drong hơ găt hlôi đei Thủ tướng tĕh đak kĭ ăn. Yoa thoi nŏh, tơ drong pơm trong âu tôch gĭt kăl kơ plăh dang ei.

VOV/Dơ̆ng tơ blơ̆