VOV4.Bahnar - Pơ ma lơ̆m jơ hôp hơ len năng tơ drong jang tang găn jĭ covid-19 tơ̆ pơ lei tơm (plt) kơ sơ̆ ‘năr 17/2, ƀok Chử Xuân Dũng, Phŏ Kơ dră vei lăng kon pơ lei plt Hà Nội ăn tơ băt, Khul kơ dră chĕp kơ̆l đảng plt hlôi drơ̆ng nơ̆r ăn hơ iŏh mâm non năm hŏk dơ̆ng tơ̆ hnam trưng đơ̆ng ‘năr 1/3; pơ jao ăn Anih vei lăng pơ tho pơ hrăm tơ chĕng hơ len, pơ jing trong jang, roi tơ ƀôh găh tơ drong ‘nâu, lơ̆m nŏh athei tơ rĕk truh trong pơ gơ̆r vei lăng sơ đơ̆ng, rơ gei, đei yoa mă lei ưh đei khăng hơ răk, athei pơm lăp hăm tơ drong ‘mĕh vă đơ̆ng kon pơ lei.

Ƀok Chử Xuân Dũng athei dôm anih jang kơ pal, tơ ring tơ rang vang bơ̆ jang mă ‘lơ̆ng, năng ‘nâu jĭ tơ drong jang gĭt kăl, kơ chăng jang hơ doi hăm hnam trưng vă jang ‘lơ̆ng tơ drong tang găn jĭ, pơ gơ̆r hŏk pơ hrăm sơ đơ̆ng, tơ lĕch jang hrơ̆ch trong jang chông ba hơ iŏh năm hŏk dơ̆ng, đei kon pơ lei, hnam trưng, hŏk tro lăp đon.

Dơ̆ng: Tơ blơ̆