VOV4. Bahnar - Pơgê năr 30/5, tơ̆ Hơnĭh Jŏh ayŏ xứ Đông, dêh char Hải Dương pơgơ̆r Hop akŏm tơ ƀơ̆p muh măt bơngai mơdro sa Nhật Bản 2022 hăm hơnăn “Hải Dương-Tơdrong đei păng rơvơn tơmơ̆t jên jang FDI”. 

Hlŏh 25 sơnăm hơvơn tơmơ̆t jên jang FDI, trŭh dang ei, hlôi đei 490 tơdrong vă jang tĕh đak đe tơmơ̆t jên jang lơ̆m dêh char Hải Dương; lơ̆m au đei 60 tơdrong vă jang kơ Nhật Bản hăm akŏp kon jên tơmơ̆t jang vă jê̆ 1 ti 500 trĭu dolar, dơ̆ng mă 2 lơ̆m tơdrong vă jang păng kon jên tơmơ̆t jang FDI tơ̆ Hải Dương.  Ƀok Phạm Xuân Thăng, Bí thư Đảng dêh char Hải Dương sơkơ̆t hơdăh, Hải Dương gô jing 1 hơnih trŭh tơmơ̆t jên jang kăl hlŏh kơ rim hơnih mơdro sa kơ Nhật Bản. Kơtă tơ̆ hop akom, Kơdră chĕp pơgơ̆r Hải Dương hlôi tơl hơdăh hloi rim nơ̆r chă apĭnh jet, hơmet pơ ‘lơ̆ng tơnap tap, tơhlăk tơhlĭn ăn hơnĭh mơdro sa kơ Nhật Bản; pôk pơ ư păng pôk hơpăh mĭnh ƀar hơnih mơdro sa kơ Nhật Bản jang ‘lơ̆ng, jang sa đei iok yua kơ jăp păng tơgop tih tên ăn hơnĭh mong jên bơ̆ jang tĕh đak adoi nhen dêh char Hải Dương.

Tơblơ̆ nơ̆r: Amazưt