Bơngai jang lơ̆m Hơnih tơm Chĭnh trĭ, Kơdră Hơnih jang Pơrô̆ pơrôp Trung ương Trịnh Văn Quyết truh akŏm păng pơma ah jơ lêh. Đơ̆ng sơnăm 1946 truh sơnăm 1965, Kơdră Hồ Chí Minh hlôi đei 11 'măng vih hơpong păng pơm jang hăm Hơnih jang Đảng, Jơnŭm pơgơ̆r, khul linh păng kon pơlei tơ̆ pơlei tơm. Dôm nơ̆r pơtho đơ̆ng Ƀok jing mŭk drăm kăp gĭt, sơkơ̆t hơdah trong jang hơtŏk tơ-iung kơ Hải Phòng kiơ̆ rim jơhnơr.

Pôk bơnê kơ dôm tơdrong jang đei jơnei kơ pơlei tơm, ƀok Trịnh Văn Quyết pơtruh nơ̆r hăm Hải Phòng hơlen lăng tơpăt, akŏm pơklaih dôm hơnih tơhlăk gah hrŭ 'mong iŏk teh ming man, hăm bơngai jang hơgei păng tơplih trong jang hơtŏk tơ-iung. Pơlei tơm kăl jang tơnăp dôm sơnong jang tơm, lơ̆m noh pơtoi tơdrong hơtŏk 2 kơsô̆ kơjăp 'lơ̆ng đơ̆ng sơnăm 2026 păng dôm sơnăm đơ̆ng rŏng, iŏk yua tơdrong kăp gĭt, hơtŏk mŭk drăm hơtŏk tơ-iung gơnơm kiơ̆ khua hŏk trong jang 'nao, tơplih 'nao tơchăr hơgei păng tơplih kơsô̆.