Pơma găh tơdrong pơvei 2 pang, ƀar 'nu kơdră chĕp kơ̆l lăng ƀôh, hloh 55 sơnăm pơjing tơdrong pơvei jang tơbôl, tơdrong pơvei 'lơ̆ng hơiă păng jang hơdai Việt Nam - Đan Mạch roi đunh roi đei yoa, 'lơ̆ng; dôm tơdrong jang hơdai roi đunh roi lơ, tơklep hăm dôm tơdrong pơ ‘nhŏ vă jang tŏk đơ̆ng 2 teh đak.

Ƀar 'nu kơdră chĕp kơ̆l drơ̆ng nơ̆r ăn Tơdrong tơchơ̆t atŏk tơiung tơdrong pơvei Việt Nam - Đan Mạch tŏk jing tơdrong Jang hơdoi gĭt kăl, tôm tơdrong, pơih đei chăl 'nao lơ̆m tơdrong pơvei ƀar pang, pơjing hơyak tŏk găh chinh trĭ păng jơhngơ̆m pran 'nao vă tưk tơiung tơdrong jang hơdoi jrŭ xă, roi ‘lơ̆ng păng roi đei yoa, yoa tơdrong đei yua đunh đai ăn kon pơlei ƀar teh đak.

Găh jang hơdoi lơpang, ƀar 'nu kơdră chĕp kơ̆l pơma tơƀôh đon tơchĕng găh rim tơdrong lơ̆m apŭng plĕnh teh păng tơ̆ tơring; drơ̆ng nơ̆r hơtŏk tơdrong jang hơdoi, tơgŭm băl tơ̆ Liên hợp quốc păng dôm 'măng hop akŏm lơ pang, hơtŏk trong jang lơ pang păng năng kăl khôi luơ̆t apŭng plĕnh teh; tưk tơiung tơdrong pơvei ASEAN - EU tŏk pran, đei yoa ‘lơ̆ng.