VOV4.Bahnar – Pơgê năr 12/8, tơ̆ pơlei tơm Nha Trang, dêh char Khánh Hòa, KO\ng đoan Rađiô nơ̆r pơma Việt Nam jang atŭm hăm Anih juăt jang kơ Rađiô tơ̆ tơring Tŏk bŏk pơgơ̆r tơdrong Pơlong Tơplŏng kơdâu – Pơdăh joh hri tơring Tŏk bŏk – Tây Nguyên xơnăm 2022 pơgơ̆r lơ̆m 2 năr 12 păng 13/8. 

'Nâu jing tơdrong akŏm joh ayŏ tơplŏng kơdâu xơnăm 2022 kơyuơ Kŏng đoan Rađiô nơ̆r pơma Việt Nam tơlĕch, vă xơng kơ kuh kơ dôm 'năr lêh tih kơ teh đak, pơlong akŏm pơm jang vă tơbăt 77 xơnăm năr tơ iung pơjing Rađiô nơ̆r pơma Việt Nam (7/9/1945 - 7/9/2022). Vang năm pơlong đei jê̆ 100 kang ƀô̆, bơngai chih kơtơ̆ng ang, bơngai jang kih thuơ̆t, bơngai jang kơ 8 anih jang lơ̆m Rađiô nơ̆r pơma Việt Nam tơ̆ tơring Tŏk bŏk - Tây Nguyên. 

Lơ̆m 2 năr, rim bơngai pơlong tơgar pơlong dôm tơdrong: teh xŏk ier, tơplŏng kơƀao, dui tơlei. 'Nguaih kơ dôm tơdrong pơlong tơplŏng kơdâu, rim anih truh pơlong pơdăh joh hri hăm dôm tơdrong hri hơxuang 'lơ̆ng hơ iă kăp gĭt.

Lan chih păng pơre nơ̆r