Iung pơma tơ̆ Hop akŏm, ƀok Lâm Hải Giang, Kơ iĕng Kơdră chĕp pơgơ̆r Hơnih vei lăng kon pơlei dêh char Gia Lai sơkơ̆t hơdăh Tơdrong tơchơ̆t 57 đơ̆ng Hơnih tơm Chinh trĭ xơkơ̆t hơdăh khoa hŏk, kmăi kmŏk, tơplih tơchăr păng tơplih kơsô̆ jĭ hơyak gĭt kăl hloh atŏk tơ iung teh đak, tơlĕch ăn pơđĭ rơvơn păng hơnăp jang ăn khul jang khoa hŏk. Dêh char Gia Lai ‘meh vă đei mơ̆ng nơ̆r tơgop, hơlen hơdăh đơ̆ng rim bơngai tang măt, pơđĭ găh dôm tơdrong đei ƀôh yan ou kơ Gia Lai păng dôm tơdrong đei ƀôh ou to đei tơƀơ̆p kơnh. Lơ̆m pơgơ̆r Hop akŏm, rim bơngai tang măt vang chă pơma dơnuh dih băl găh khoa hŏk, jang tơbôl păng pơchoh trong bơ̆ jang păng dôm tơdrong long lơ̆m hơnô̆ hơnăp kơnh; hơyuh hạt nhân păng rim trong jang tơplih hơyuh tơ̆ rim teh đak đei mŭk drăm tŏk tĕnh koăng, lơ̆m ou đei Việt Nam.