Vă vei lăng sơđơ̆ng ‘lơ̆ng kơjă tơmam drăm ƀât Tết Nguyên đán Quý Mão 2023, Dơnŏ anih vei lăng kon pơlei dêh char Dak Lak ‘măn hlŏh 1.500 ti hlak jên vă ‘măn răk tơmam yoa kăl. Grŭp tơmam kăl đei vei sơđơ̆ng kơjă tĕch ƀât hơtuch sơnăm 2022 păng Tết Nguyên đán Quý Mão 2023, đei: Phe tơyông, phe ƀou phu lơ̆m tĕh đak, ‘nhĕm nhŭng, ‘nhĕm iĕr, kơtăp iĕr, bip, đak kho, sĭk, ƀôt ngok păng dôm tơmam ƀou phu, ƀum, plei ‘long, ‘nhot xa, đak xăng, đak dâu.

Khei ‘năr vei sơđơ̆ng kơ jă tĕch đơ̆ng ‘năr 30/11/2022 truh ‘năr 30/2/2023. Dang ei đĭ đei 10 anih tĕch mơdro tơ̆ Dak Lak tơlĕch trong ‘măn răk tơmam yoa, đak xăng, đak dâu; pơm lăp dang 1/4 tơdrong ‘mĕh vă răt yoa đơ̆ng kon pơlei. ‘Ngoăih kơ ‘nŏh, lơ tơmam ‘măn răk tơ̆ anih tĕch mơdro, dôm kơchơ lơ̆m dêh char kŭm jing 1 kênh pơm lăp hăm tơdrong ‘mĕh vă răt yoa đơ̆ng kon pơlei lơ̆m năr Têt.