VOV4.Bahnar - Anih jang kanh sat vei lăng trong nơ năm tơ băt, lơ̆m 04 năr pơ dơh Lêh 02/9 (đơ̆ng 01/9 – 04/9) khŭl linh kanh sat vei lăng trong nơ năm lơ̆m teh đak chă ƀôh, sek phak hloh 40.000 ‘nu pơm glăi, phak hloh 60 ti hlak jên. Lơ̆m 4 năr pơ dơh lêh lơ̆m teh đak đei ƀôh 79 ‘măng gre tơ̆m prăh băl, pơm lôch 48 ‘nu, kơ ra 51 ‘nu. Lơ̆m kơ plăh dăr hơ len vei lăng tơ drong sơ đơ̆ng trong nơ năm, khŭl linh kanh sat vei lăng tơ drong nơ năm hlôi hơ len lăng, chă ƀôh 41.000 ‘nu pơm glăi; phak jên hloh 60 ti hlak jên; rôp gơ̆t 941 tong gre ô tô,  12.700 gre hon đa; iŏk hloh 6000 ƀăng huơ̆r gre dôm kơ loăi.

Hơ drô̆ găh pơm glăi et tơ drô ƀier, khŭl linh Kanh sat vei lăng trong nơ năm lơ̆m teh đak hlôi sek phak hloh 8.800 ‘nu pơm glăi; phak jên vă jê̆ 40 ti hlak jên. Kiơ̆ đơ̆ng kơ măy dăr hơ len kơ dôm Khŭl dăr joang, hơ len lăng trong gre kơ dâu hrenh găh Anih jang kanh sat vei lăng nơ năm hlôi chă ƀôh, sek phak 1.593 ‘nu.

Thuem: Tơ blơ̆