VOV4.Bahnar - Jĭ hơ buh mă đơ̆ng ƀơm kơ nê̆ tôch dêh truh anih jang ră, mă lei đơ̆ng rŏng kơ Têt vă rim bơ ngai jang năm bơ̆ jang dơ̆ng trŏ năr pơ kăp. Chih akŏm hrĕnh lơ̆m tĕh đak ăn ƀôh, đei hlŏh 90% công nhân, bơ ngai jang lơ̆m tĕh đak năm jang hơ lơ̆k dơ̆ng đơ̆ng rŏng kơ Têt.

Lơ anih tĕch mơ dro hlôi jang xa đơ̆ng ‘năr 5 Têt. Kơ sô̆ oei đei dơ̆ng, năm jang dơ̆ng đơ̆ng ‘năr 7 păng ‘năr 8 Têt. Tơ̆ dêh char Bình dương, dôm anih tĕch mơ dro sơng công nhân năm jang dơ̆ng đơ̆ng ‘năr 7, ‘năr 8 Têt. Kiơ̆ kơ ‘nŏh, kơ sô̆ bơ ngai jang năm jang hơ lơ̆k dơ̆ng đơ̆ng rŏng kơ têt trŏ năr pơ kăp hăm anih tĕch mơ dro tôch lơ, jur tŏk đơ̆ng 80 - 90%.

Tơ̆ dôm tơ ring jang kơ măy tih nhen: Đồng Nai, plt Hồ Chí Minh, kơ sô̆ công nhân năm jang dơ̆ng kŭm đei dang 90%. Tơ̆ Hà Nội, kiơ̆ kơ sô̆ chih jô̆ đơ̆ng Liên đoàn Lao động plt: Jô̆ truh ‘năr 7/2, đei hlŏh 90% kơ sô̆ anih jang pơih ‘măng jang xa dơ̆ng, hăm hlŏh 96% kơ sô̆ công nhân năm jang hơ lơ̆k dơ̆ng.

Dơ̆ng: Tơ blơ̆