VOV4.Bahnar - Anih tơm vei lăng pơ tho pơ hrăm tơ roi, đĭ đăng 63 dêh char, plt hlôi pơ gơ̆r ăn đĭ đăng hŏk tro năm hŏk kơ tă tơ̆ hnam trưng. Kơ sô̆ hŏk tro năm hŏk tơ̆ hnam trưng jô̆ truh ‘năr 18/4 đei 99,57%. Đơ̆ng rŏng đei nơ̆r pơ tho athei pơih dơ̆ng ‘măng hnam trưng, kơ dră chĕp kơ̆l Anih tơm vei lăng pơ tho pơ hrăm năm hơ len năng rim tơ ring bơ̆ jang thoi yơ.

Mă tơ pă ăn ƀôh, đêi năm hŏk dơ̆ng tơ̆ hnam trưng ‘nŏh jĭ tơ drong hơ pơi ‘mĕh đơ̆ng lơ hŏk tro, thây kô păng mĕ ƀă đe hŏk tro. Dôm tơ ring hlôi pơ jing trong jang, pơ tâp pơ hrăm, hơ met tôm tơ drong hăm đon pơ hnŏng khŏm ăn hŏk tro năm hŏk dơ̆ng tơ̆ hnam trưng sơ đơ̆ng ‘lơ̆ng hlŏh. Dôm anih pơ tho pơ hrăm vang kơ chăng hơ len năng tơ drong hŏk pơ hrăm trư̆k tuyê̆n, hŏk kiơ̆ tivi hăm dôm grŭp hŏk tro vă hơ met ming tơ drong pơ tho pơ hrăm tơ̆ hnam trưng mă lăp păng găn đei ‘lơ̆ng tơ drong jĭ Covid-19 tơ̆ tơ ring.

Anih tơm vei lăng pơ tho pơ hrăm ăn tơ băt, kiơ̆ trong pơ tho pơ hrăm đơ̆ng dôm hnam trưng, tơ drong pơ gơ̆r kiêm tra, hơ len năng kiơ̆ khei ‘năr pơ gơ̆r kơ tă tơ̆ hnam trưng lăp đei pơ gơ̆r đơ̆ng rŏng 1 khei ‘năr hŏk tro hŏk pơ hrăm ôn ƀai ‘lơ̆ng hlŏh đĕch.

Dơ̆ng: Tơ blơ̆