Hnam trương Đăi hŏk Tây Nguyên hrei au đei glŏh 640 ‘nu kang ƀô̆ ƀok thây kô pơtho hăm hlŏh 9.000 ‘nu sinh viên, hăm 5 tơdrong jang tiên si, 12 tơdrong jang thak si păng chuyên khoa cấp I, 36 tơdrong jang đăi hŏk, 1 hnam trương jăl ƀar pêng păng 1 hnam trương mâm non.

Kơdră chĕp pơgơ̆r dêh char Dak lăk pôk ăn pơkao hmach chơt hơ iă sơnăm hŏk ‘nao

Hrei au Hnam trương Đăi hŏk Tây Nguyên hlôi jang keh đang bơ̆ jang dăr lăng hơlen lăm hŏk păng pơm pơkeh tơdrong pơtho pơjing ‘lơ̆ng 3 tơdrong jang pơtho pơhrăm: Pơtho pơhrăm jăl kơđĕh, Vei lăng mơdro sa păng Kmăi kmok sinh hŏk iŏk đei pơkăp ‘lơ̆ng đơ̆ng Dơnŏ anĭh tơm vei lăng Hnam trương pơtho pơhrăm. Kiơ̆ tơdrong tơchơ̆t 23, năr 6/10/2022 đơ̆ng Dơnŏ anĭh tơm Chĭnh trĭ găh trong atŏk tơ iung mŭk drăm tơpôl păng sơđơ̆ng tĕh đak tơring Tây Nguyên trŭh sơnăm 2030, lăng trŭh 2045, Hnam trương Đai hŏk Tây Nguyên ‘nŏh mĭnh lơ̆m dôm hơnĭh tơlĕch jang hơdrol atŏk tơ iung. Hnam trương Đăi hŏk Tây Nguyên xơkơ̆t hơdăh tơdrong jang tơm kơ sơnăm hŏk au ‘nŏh Atŏk kơtang vei lăng đăi hŏk, hơmet pơ ‘lơ̆ng khŭl kơdră chĕp pơgơ̆r kiơ̆ trong kơtoei, bơ̆ jang gơ̆h hơgei, atŏk kơtang iŏk yua kmăi kmŏk lơ̆m vei lăng, pơtho păng hŏk.