VOV4.Bahnar - ‘Năr 26/9, pơ ma pơ gơ̆r tơ̆ hop akŏm trực tuyến lơ̆m teh đak găh tŭn pran tơ lĕch jên tơ mơ̆t jên jang teh đak păng jang kiơ̆ 03 Tơ drong jang tơm teh đak, Thủ tướng Phạm Minh Chính athei, kăl mă hơ drin păng tơ lĕch jang dôm trong jang kơ tang hloh dơ̆ng hơ drin jang đang tơ̆ kơ sô̆ lơ hloh hơ năp jang găh tơ lĕch jên tơ mơ̆t jên jang teh đak sơ năm 2022. Găh hơ năp jang tơ̆ hơ năp kơnh, Thủ tướng athei dôm anih tơm, anih jang, tơ ring hơ nơ̆ng pơ jao jên mă hơ dăh 75.000 ti hlak jên uơ oei dơ̆ng ăn kơ dôm tơ drong jang đei tôm tơ drong hiôk. Dôm grŭp bơ̆ jang hơ nơ̆ng hơ met pơ ‘lơ̆ng dôm tơ drong mơ nat tat, tơ hlăk tơ hlĭn. Dôm anih tơm, anih jang, tơ ring jang hơ dai kơ jăp hloh dơ̆ng, veh ver kơ pơm hla ar ‘ma ‘ngeo. Thủ tướng athei rim tơ ring kăl kơ bơ ngơ̆t truh băt hơ dăh tơ drong, akŏm, tơ roi tơ băt găh dôm tơ drong mơ mat tat, tơ hlăk tơ hlĭn lơ̆m yan âu păng tơ ƀôh ăn dôm trong jang, vă kiơ̆ đơ̆ng noh dôm anih tơm, anih jang jăh hơ met pơ ‘lơ̆ng hloi.

VOV.VN

Thuem: Tơ blơ̆