VOV4.Bahnar - ‘Măng apĭnh jet păng tơl nơ̆r apĭnh jet tơ̆ Jơ hop akŏm ‘măng mă 14 kơ Anih chĕp kơ̆l pơ gơ̆r Kuôk hô̆i pơ gơ̆r lơ̆m năr ‘nâu (10/08) hăm tơ drong tơl nơ̆r đơ̆ng Kơ dră Anih tơm vei lăng Kŏng an Tô Lâm păng Kơ dră Anih tơm vei lăng găh joh ayŏ, tơ plŏng kơ dâu păng tơ mang lăng Nguyễn Văn Hùng. Jĭ bơ ngaihơ drol tơl nơ̆r apĭnh, bơ ngai chĕp kơ̆l anih jang Kŏng an tơl nơ̆r grŭp tơ drong nhen sơ đơ̆ng hăm tơ drong jang vei lăng sơ đơ̆ng mạng teh đak. Trong jang tang găn, sek phak tơ păt pơm glăi kơ măy kơ mŏk ‘nao, mă loi ‘noh jĭ tơ drong pơm văn ƀai, hơ lĕnh pơ dăr, chă tơ roi kơ đe ưh kơ ƀlep dăh mă nhen tơ drong jang kiơ̆ dôm tơ drong hơ găt đơ̆ng Kuôk hô̆i, Anih jang chĕp kơ̆l pơ gơ̆r Kuôk hô̆i ƀơm truh tơ drong jang tang găn pơm glăi, mă loi ‘noh jĭ pơm glăi găh ma túy, ăn tŏk iŏk jên cheh tôch kơ lơ.... Hăm kơ dră Anih tơm vei lăng găh joh ayŏ, tơ plŏng kơ dâu păng tơ mang lăng, đơ̆ng rŏng kơ vei lăng đei jĭ Covid 19, tơ drong đei lơ bơ ngai tăh hla bơ ngơ̆t truh ‘noh jĭ trong jang tơ gŭm, khôi luơ̆t vă tơ mang lăng tơ pă jing tơ drong jang mŭk drăm tơm.

Thuem: Tơ blơ̆