Hơ tuch sơ năm ‘nâu vă tơ lĕch Tơ drong jang pơm trong gre kơ dâu hrĕnh Bắc Nam jăl klĕch dêh char Phú Yên. ‘Nâu jĭ nơ̆r tơ roi đei tơ lĕch tơ̆ jơ bơ̆ jang kơ sơ̆ 3/11, đơ̆ng Phŏ Kơ dră tơm vei lăng trong nơ năm Nguyễn Duy Lâm hăm Dơ nŏ anih vei lăng kon pơ lei dêh char Phú Yên găh tơ drong hơ tŏk hrĕnh tơ drong chưk pơ ‘ngoăih tĕh ăn Tơ drong jang man trong gre kơ dâu hrĕnh Bắc Nam đơ̆ng 2021-2025.

Tơ drong jang pơm trong gre kơ dâu hrĕnh Bắc – Nam jăl kơ dâu klĕch dêh char Phú Yên kơ jung hlŏh 90 km, hăm đĭ đăng jên jang truh 26 rơ bâu ti. Dang ei tơ drong jô̆ hơ len, chih jô̆ hơ găt tĕh vă pơm trong hlôi jang đei 83%. Vă gơ̆h bơ̆ jang ‘lơ̆ng, Anih tơm vei lăng trong nơ năm athei dêh char Phú Yên tơ lĕch jang hơ doi hăm pơm hla ar kăl vă jăh bơ̆ jang ming man adrol kơ ‘năr 31/12. Anih tơm vei lăng trong nơ năm pơm ‘lơ̆ng, pơ truh tôm jên jang vă pơ yoa ăn tơ drong chưk pơ ‘ngoăih tĕh, adrin tơ gŭm ăn tơ ring hơ met pơ ‘lơ̆ng dôm tơ drong mơ mat tat, tơ hlăk tăk mưh tơ lĕch jang.