VOV4.Bahnar - Kơ sơ̆ ‘năr 14/4, Kơ dră teh đak Nguyễn Xuân Phúc hlôi dơ̆ng lăng lêh kĭ pơ kăp tơ drong tơ chơ̆t jang hơ dai đơ̆ng Anih jang kơ ƀok kơ dră teh đak păng Anih sek tơ lang kon pơ lei gĭt kăl, Anih jang dăr hơ len lăng kon pơ lei gĭt kăl. Pơ ma tơ̆ jơ pơm lêh, Kơ dră teh đak Nguyễn Xuân Phúc hơ len lăng, dôm jăl jang âu ki, tơ drong jang hơ dai đơ̆ng Anih jang kơ ƀok Kơ dră teh đak hăm Anih sek tơ lang kon pơ lei gĭt kăl, Anih jang dăr hơ len lăng kon pơ lei gĭt kăl păng rim anih jang grŭp nội chính, tư pháp ling lang kơ jăp, iŏk đei lơ jơ nei kăl kơ chih răk.

Kơ dră teh đak dơ̆ng lăng lêh kĭ pơ kăp

Đơ̆ng noh, tơ gop vei sơ đơ̆ng jang kiơ̆ ‘lơ̆ng hơ năp jang, tơ drong jang đơ̆ng rim anih jang. Kơ dră teh đak Nguyễn Xuân Phúc athei Ban Nội Chính Trung ương, Anih sek tơ lang kon pơ lei gĭt kăl, Anih jang dăr hơ len lăng kon pơ lei gĭt kăl, Anih tơm vei lăng Kŏng an, Anih jang Tư pháp kơ Kuôk hô̆i păng Anih jang kơ ƀok Kơ dră teh đak athei đei tơ drong jang hơ dai kơ jăp, hơ nơ̆ng păng đei yua hloh. Kơ dră teh đak athei rim hla ar tơ chơ̆t đei kĭ pơ kăp âu athei đei tơ lĕch jrŭ, să păng jang kiơ̆ 1 trong tơ păt đơ̆ng kơ dră chĕp kơ̆l truh rim khul bơ̆ jang, mă loi ‘noh jĭ đe kang ƀô̆, bơ ngai joăt jang kơ tă bơ̆ jang kiơ̆ tơ drong jang.

Thuem: Tơ blơ̆