VOV4.Bahnar - Kơ sơ̆ 24/3, tơ̆ Anih jang kơ ƀok Kơ dră tĕh đak, Anih pơ vih ăn ƀok Kơ dră tĕh đak păng Khul kơ dră chĕp kơ̆l Anih Trung ương MTTQ Việt Nam vang pơ gơ̆r Hop akŏm pơ tôch tơ drong jang hơ doi đơ̆ng Kơ dră tĕh đak păng Khul kơ dră chĕp kơ̆l Anih Trung ương MTTQ Việt Nam sơ năm 2021, tơ drong vă jang tơm lơ̆m sơ năm 2022. Kơ dră tĕh đak Nguyễn Xuân Phúc păng ƀok Đỗ Văn Chiến, Bí thư TƯ Đảng, Kơ dră Anih Trung ương MTTQ Việt Nam vang pơ gơ̆r hop akŏm.

Kơ dră tĕh đak Nguyễn Xuân Phúc phĭn hăm dôm bơ ngai tang măt vang truh Hop akŏm

Pơ ma lơ̆m hop akŏm, Kơ dră tĕh đak Nguyễn Xuân Phúc athei Anih Trung ương MTTQ Việt Nam tơ rĕk, pơ gơ̆r jang, hơ tŏk tơ drong tơ roi tơ băt, krao hơ vơn kon pơ lei, pơ jing đon lui, drơ̆ng 1 nơ̆r, hlôh vao kơ jăp vă bơ̆ jang đei jơ nei ‘lơ̆ng tơ drong pơ jing păng vei lăng tĕh đak lơ̆m chăl ‘nao. Ƀlep ƀât ‘măng mă âu, Kơ dră tĕh đak athei Khul kơ dră tĕh đak, Kuô̆k hô̆i, khul kơ dră tơ ring tơ rĕk hlŏh dơ̆ng vă sek tơ lang kiơ̆ nơ̆r athei đơ̆ng Anih Trung ương MTTQ Việt Nam păng Anih MTTQ Việt Nam tơ̆ jơ̆p tơ ring.

Dơ̆ng: Tơ blơ̆