VOV4.Bahnar - Lơ̆m ‘măng năm hơ pong tơ̆ Việt Nam đơ̆ng Thủ tướng Malaysia păng Khul tang măt ăn tĕh đak Malaysia, kơ sơ̆ (20/3), Thủ tướng Malaysia kŭm hăm 1,2 ‘nu kuan tih Malaysia tơ ƀâp 3 anih tĕch mơ dro Việt Nam ‘nŏh jĭ dôm grŭp jang tih đei: Grŭp jang Sovico; Grŭp Ming man Hòa Bình păng Grŭp jang Gami.

 Tơ̆ jơ tơ ƀâp, Thủ tướng Malaysia hơ pơi ‘mĕh dôm anih tĕch mơ dro 2 tĕh đak jang hơ doi găh lơ tơ drong gĭt kăl nhen: pơm trong chơ chuĕn, chă tơ mang lăng, bơ̆ jang... ‘Nâu jĭ dôm tơ drong jang ưh kĕ tŏk yoa jĭ hơ buh păng tơ chĕng hơ drol gô “jang tŏk pran” hơ lơ̆k dơ̆ng tơ̆ hơ năp kơnh. Anih tơm vei lăng tĕch mơ dro păng jang kơ măy hăm apŭng plenh tĕh kơ Malaysia akhan, Việt Nam păng Malaysia tơ pă đei lơ tơ drong ‘lơ̆ng vă jang hơ doi mŭk drăm 2 pang đơ̆ng rŏng kơ jĭ COVID-19, mă loi găh tĕch mơ dro păng tơ mât jên jang.

Dơ̆ng: Tơ blơ̆