VOV4.Bahnar - Pơ gê ‘năr 15/9, tơ̆ pơ lei tơm Đà Lạt (Lâm Đồng), Anih tơm vei lăng găh joh ayŏ, tơ plŏng păng tơ mang lăng pơ gơ̆r Hop akŏm pơ hrăm Luơ̆t hơ met ming, tơ mơ̆t dơ̆ng 1,2 hơ păng đơ̆ng Luơ̆t iŏk yua tơ drong hơ gei găh ƀai chih pơ cheh păng dôm tơ drong đei ƀơm truh. Hloh 150 ‘nu bơ ngai tang măt dôm anih tơm, anih jang ƀơm truh, rim anih jang găh Anih tơm vei lăng găh joh ayŏ, tơ plŏng kơ dâu păng tơ mang lăng kŭm hăm dôm tơ ring vang truh akŏm.

Jơ hop akŏm

Lơ̆m 3 năr, dôm bơ ngai tang măt gô đei mơ̆ng dôm tơ drong jang găh dôm trong jang tơ gŭm hơ met ming, tơ mơ̆t dơ̆ng găh ƀai pơ cheh, păng dôm tơ drong ƀơm truh pơm lăp hăm mơ̆t jang hơ dai hăm apŭng plĕnh teh, tơ drong hơ tŏk tơ iung mŭk drăm - tơ pôl hrei ‘nâu păng lăp hăm khôi luơ̆t đei ƀơm truh; roi tơ ƀôh dôm tơ drong hơ met ming, tơ mơ̆t dơ̆ng 1,2 hơ păng đơ̆ng luơ̆t iŏk yua tơ drong hơ gei; vei lăng tơ gŭm ƀai pơ cheh lơ̆m tơ drong pơ trŭt hơ tŏk tơ iung kơ măy kơ mŏk joh ayŏ; dôm tơ drong ‘nao găh vei lăng tơ drong iŏk yua gơh hơ gei, hơ năp jang khôi luơ̆t găh ƀai pơ cheh, păng dôm tơ drong ƀơm truh; tơ roi dôm tơ drong kăl đơ̆ng Tơ drong tơ chơ̆t găh ƀai pơ cheh đơ̆ng Anih vei lăng tơ drong iŏk yua gơh hơ gei capŭng plĕnh teh, Tơ chơ̆t găh tơ drong hơ ri păng hyup nơ̆r đơ̆ng Anih vei lăng iŏk yua tơ drong gơh hơ gei apŭng plĕnh teh.

Thuem: Tơ blơ̆