Giáo sư- Tiến sĩ Nguyễn Xuân Thắng, Kơdră vei lăng Học viện chính trị quốc gia Hồ Chí Minh, Kơdră Jơnŭm Lý luận Trung ương vang truh păng iung pơma pơgơ̆r Hop akŏm. Phŏ kơdră teh đak Võ Thị Ánh Xuân- Phŏ Kơdră mă mônh Jơnŭm pơjei băl pôk hơpăh kơ Trung ương; kŭm hăm 193 ‘nu bơngai tang măt - jĭ dôm bơngai jang hơgei lơ̆m tơdrong jang pơjei băl ‘mêm kơ teh đak jăl jang 2020-2025 kơ Học viện păng dôm hnam trưng chĭnh trĭ dêh char, pơlei tơm găh Trung ương vang truh Hop akŏm.

Pơma pơgơ̆r păng tơlĕch jang tơdrong jang pơjei băl jăl jang 2025 – 2030, Giáo sư- Tiến sĩ Nguyễn Xuân Thắng athei: Vă jang ‘lơ̆ng dôm hơnăp jang chĭnh trĭ đei pơjao, athei rim khŭl grŭp, rim bơngai găh Học viện kŭm nhen dôm hnam trưng chĭnh trĭ dêh char, pơlei tơm găh Trung ương kăl hơnơ̆ng hơtŏk tơdrong joăt joe pơjei băl ‘mêm kơ teh đak, jơhngơ̆m pran tơpôl hăm trong jang tơm “Tơgoăt pôm nơ̆r ƀơ̆r đon - Kon pơlei pơm tơm - Pơm kiơ̆ khôi luơ̆t - Jang tŏk - Hơtŏk tơiung” bơ̆jang kiơ̆ ‘lơ̆ng tơdrong jang “Pơjei băl tơgoăt pôm nơ̆r ƀơ̆r đon, tơplih ‘nao hơgei hơnhăk Học viện Chính trị quốc gia Hồ Chí Minh kŭm hăm lơ̆m teh đak yak mơ̆t lơ̆m chăl ‘nao”.