Đoàn viên hơdruh tơdăm vang pơdơ̆ng hla kơ, pơrŏ păng hơmet rơgoh tơ̆ dôm hơnih tăh kơ phiê̆u tơ̆ hnam hŏk hôp tơpôl, hơnih hôp pơlei păng kueng kơphô̆. Tơ̆ lơ̆m dôm hơnih tăh kơphiê̆u, hơdruh tơdăm vang jang rơih hơmet, đŏng yâu păng proh hơmet kơphiê̆u pôk rơih. Tơ̆ lơ jăl trong, dôm “trong hla kơ Teh đak” pơm jing hơnih ƀrŭng ƀrăng ‘lơ̆ng hơiă lăng truh năr pôk rơih.

Tơdrong jang roi tơbăt găh pôk rơih đei tơlĕch jang jơ̆p jang tơ̆ rim pơlei pơla dêh char Đắk Lắk. Đơ̆ng anih kơdrơ̆m truh rim jăl trong tơring tơrang, kơmâu ao jơk hơdruh tơdăm ling lang đei măt lơ̆m rim tơdrong jang roi tơbăt. Tơ̆ 1,2 tơring tơrang, kon pơlei đa năm jang tơ̆ mir ƀrŏk klui, khŭl hơdruh tơdăm pơgơ̆r năm roi tơbăt tơ̆ kơ măng vă kon pơlei ƀônh kơ băt tơdrong kơtơ̆ng ang.